Elimizde dızel otyny 16 paıyzǵa qymbattady

ASTANA. QazAqparat - Bıyl elimizde 494,1 myń tonna benzın óndirildi. Bul ótken jylǵa qaraǵanda 20,6%-ǵa artyq, dep habarlaıdy QazAqparat Energyprom.kz resýrsyna silteme jasap.

Óńirler boıynsha eń kóp benzın Shymkentte óndirildi. Atalǵan qalada 196,7 myń tonna, jyl ishinde 14,6%. Ekinshi orynǵa 155,1 myń tonna benzınmen Pavlodar oblysy jaıǵassa, úshin orynǵa 141,7 myń tonna benzın óndirisimen Atyraý oblysy ornalasqan.

Dızel óndirý boıynsha Pavlodar oblysy kósh bastap tur. Atalǵan óńirde 149,1 myń tonna dızel óndirildi, bul ótken jylmen salystyrǵanda 11,1%-ǵa artyq. Sonymen qatar Shymkentte 148 myń tonna jáne Atyraý oblysynda 109,4 myń tonna dızel óndirildi.

Jalpy ótken jyly elimizde 5 mln tonna benzın jáne 5,4 mln tonna dızel otyny óndirildi. Óndiristiń ósýi 3,1% jáne 8,3% qurady.

Ótken jyly jergilikti kompanııalar benzınmen ishki naryqty (sonymen qosa eksport) tolyq qamtamasyz etti. Bir jyl buryn 99,97%-ǵa qamtylsa, onyń aldyńǵy jyly 99,1%.

Byltyr elimizge 43,3 myń tonna benzın ákelindi. Atalǵan sektordaǵy zańnamalyq shekteýlerdi eskere otyryp, eksport 0,5%-y qurady nemese 24,2 myń tonna benzın eksporttaldy. Bul ótken jylmen salystyrǵanda 76%-ǵa az.

Іshki naryqta benzındi satý 5 mln tonnany jetti, buny 2021 jylǵy qańtar–jeltoqsan aıymen salystyrǵanda 5,7%-ǵa artyq.

Jergilikti kompanııalar dızelmen ishki naryqty 96,8%-ǵa qamtamasyz etti. Import kerisinshe 3,2%-ǵa deıin qysqardy. Elge 177,7 myń tonna dızel otyny ákelindi, bul 2021 jylǵa qaraǵanda 47,2%-ǵa az. Іshki naryqta dızeldi satý jyl ishinde 7% nemese 5,5 myń tonnaǵa deıin ósti.

Bıyl qańtarda elimizde benzın shamaly arzandady (0,1%-ǵa), al dızel otyny aıtarlyqtaı qymbattady (bir jylda birden 15,7%-ǵa).

Dızel baǵasynyń ósýi ásirese Atyraý oblysynyń turǵyndaryna áser etti. Atalǵan óńirde jyl ishinde birden 44,8%-ǵa qymbattaǵan. SQO (39,1%) jáne ShQO-da (37%) baǵa aıtarlyqtaı ósti. Mańǵystaý, Qyzylorda oblysy jáne Almatyda dızel baǵasy ótken jylǵy deńgeıde qaldy. Al Ulytaý oblysynda dızel otyny 2,8%-ǵa arzandady.

Buǵan deıin Qazaqstan barlyq kólik túrleri úshin benzın men dızel otynyn áketýge taǵy da tyıym salynatyny týraly aıtyldy. Atap aıtqanda, ǵylymı-zertteý jumystaryn júrgizý úshin maılar, suıyq otyndy jáne avıatsııalyq otyndy qospaǵanda, benzındi, dızel jáne munaı ónimderiniń jekelegen túrlerin áketýge tyıym salynbaq.