Elimizde dıspanserlik naýqastarǵa 800-ge tarta dárilik preparattar tegin usynylady

Bul týraly búgin Astana qalasyndaǵy №4 emhanada ótken baspasóz máslıhaty barysynda Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary Larısa Pak málim etti.

L. Paktyń aıtýynsha, 2012 jyldan bastap dıspanserlik naýqastarǵa dárilerdi berý tártibine birqatar ózgerister engizilgen. Atap aıtqanda, buǵan deıin osy sanaǵattaǵy naýqastar dári-dármektiń 50 paıyzyna deıin qunyn tólep otyratyn edi.

«Endigide memleket mundaı dıpanserlik naýqastarǵa beriletin dárilerdi tegin joldaý týraly mindettemeni ózine alyp otyr. Budan bólek, tegin preparattardy qajet etetin dıspanserlik naýqastar tizimderi de qaıta qaralǵan. Ondaı tizim boıynsha naýqastar tirkeýge alynady jáne bul udaıy jańartylyp otyrady»,  - deıdi L.Pak.