Elimizde densaýlyq saqtaý salasynda eki ulttyq joba usynylady
«Densaýlyq saqtaý salasyndaǵy úlken synaqqa qaramastan, óńirlerdegi densaýlyq saqtaý basqarmasynyń basshylarynan azamattardyń densaýlyǵyn jaqsartý boıynsha shara qabyldaýdy suraımyn. Mınıstrlik densaýlyq saqtaý salasynda eki ulttyq joba usynady, olar problemalyq máselelerdi eskere otyryp ázirlenedi. Bul - densaýlyq saqtaý júıesin jáne otandyq farmatsevtıkalyq ónerkásipti damytýdyń ulttyq jobasy. Olar jobalyq basqarý arqyly iske asyrylady»,- dedi Marat Shoranov mınıstrliktiń keńeıtilgen alqa otyrysynda.
Onyń aıtýynsha, ulttyq jobalardy ázirleý jónindegi jumys tobyn Densaýlyq saqtaý mınıstrligi bıyl 5 naýryzǵa deıin aıaqtaýdy, 2021 jylǵy sáýirge deıin – múddeli memlekettik organdarmen kelisýdi jáne Premer-Mınıstr Keńsesine jiberýdi josparlap otyr. 1 maýsymǵa deıin Memleket basshysy salany damytý kontseptsııasyn bekitedi, al 1 shildege deıin – Memleket basshysy ulttyq jobalardy qabyldaıdy dep josparlanǵan.
2020 jylǵa arnalǵan memlekettik baǵdarlama 4 nysanaly ındıkatorǵa baǵyttalǵan. Bul: azamattardyń ortasha ómir súrý uzaqtyǵyn 73,21 jasqa deıin arttyrý, júrek-qan tamyry, onkologııalyq, sozylmaly respıratorlyq aýrýlardan jáne qant dıabetinen mezgilsiz qaıtys bolǵandar sanyn 18,86 paıyzǵa deıin tómendetý, ana ólimin 17,1-ge deıin azaıtý, 1 myń tiri týǵanǵa shaqqandaǵy náreste ólimin 10,1-ge deıin tómendetý.