Elimizde densaýlyǵyna muqııat qaraıtyn patsıentter baıqaýy ótti
«Batys Qazaqstan oblysynyń Tasqala, Shyńǵyrlaý, Aqjaıyq, Qaratóbe, Jańǵaly aýdandary men Oral qalasynyń alǵashqy medıtsınalyq-sanıtarııalyq kómek kórsetýshi uıymdaryn erekshe atap ótken jón. Óziniń densaýlyǵyna degen muqııat tártibi men erekshe jaýaptylyǵynyń arqasynda 1-orynǵa ıe bolǵan Chapaev aýylyndaǵy Aqjaıyq ortalyq aýrýhanasynyń patsıenti Natalıa Kamaletdınova konkýrstyń oblystyq kezeńine joldama aldy», - delingen Qoǵamdyq densaýlyq saqtaý ulttyq ortalyǵynyń baspasóz habarlamasynda.
Sondaı-aq, Qostanaı qalasynyń №1emhanasynda ótkizilgen konkýrsqa qatysýshylar fızıkalyq protsedýralarǵa tegin barýǵa bolatyn arnaıy sertıfıkattarǵa ıe boldy.
«Konkýrs qatysýshylardyń durys tamaqtaný, dári-dármekterdi tıimdi qoldaný, negizgi aýrýdyń aǵymyn tómendetýge sebepshi bolatyn qaýiptilik faktorlary týraly bilimderin kórsetetin tapsyrmalardan quraldy», - delingen habarlamada.
Aýrýlardy basqarý baǵdarlamasy Qazaqstanda 2013 jyldan beri júzege asyrylyp keledi. Sharany QR Densaýlyq saqtaý mınıstrliginiń qoldaýymen Kardıologııa jáne ishki aýrýlar ǵylymı-zertteý ınstıtýty uıymdastyrǵan.