Elimizde demografııalyq zertteýler ınstıtýty qurylýy múmkin
ASTANA. QazAqparat - Elimizde mamandandyrylǵan demografııalyq zertteýler ınstıtýty qurylýy qajet. Búgin Parlament Májilisindegi Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti.
«Men jaqynda Premer-Mınıstrdiń atyna elimizde mamandandyrylǵan demografııalyq zertteýler ınstıtýtyn qurýdyń maqsattylyǵy týraly hat joldadym. Osyǵan oraı, Úkimet basshysynan múddeli memlekettik organdarmen atalmysh máseleni qarap, oń sheshim shyǵarý týraly tapsyrma berýin suraǵan edim», - deıdi agenttik basshysy. Onyń sózine qaraǵanda, búgingi tańda Úkimet basshysy mundaı usynysty qaraýdy Ekonomıka jáne bıýdjettik josparlaý mınıstrligine, Qarjy mınıstrligi men Statıstıka agenttigine júktegen. «Biz jumys aıasynda mundaı ortalyqtyń mańyzdylyǵyn ary qaraı ilgeriletetin bolamyz. Jalpy, osyndaı ınstıtýt qurý biz úshin barynsha ózekti», - dedi Á. Smaıylov.
