Elimizde demalys jáne mereke kúnderi aýa raıy qandaı bolady
ASTANA. QazAqparat - «Qazgıdromet» RMK aqparaty boıynsha, aldaǵy eki táýlikte ońtústik tsıklon Qazaqstannyń kóptegen oblystaryna jańbyr, naızaǵaı jáne uıytqyǵan jel alyp keledi.
6 mamyr kúni ońtústikte, 7 mamyr kúni ońtústik-shyǵysta, ásirese taýly jáne taý bókterlerindegi aýmaqtarda qatty jańbyr jaýady.
Reseıdiń Eýropalyq bóliginen antıtsıklon kelip, 8 mamyr kúni respýblıkanyń ońtústiginde, 8-9 mamyr kúnderi ortalyq jáne shyǵysynda, 9 mamyr kúni soltústik jáne ońtústik-shyǵysynda jaýyn-shashyn toqtaıdy. 10 mamyr kúni kelesi tsıklonǵa baılanysty bul aýmaqta nóserli jańbyr jaýyp, naızaǵaı oınaıdy.
Qazaqstannyń batys jáne soltústik-batys oblystary osy kezeń ishinde atmosferalyq aýa aǵynynyń yqpalynda bolady, sondyqtan bul jerlerde aýa raıy bultty jáne jańbyrly bolýy yqtımal.
6 mamyr kúni: kún ala bultty, kúndiz jaýyn-shashyn túsip, naızaǵaı oınaıdy. Ońtústik-batystan uıytqyǵan jel soltústik-batysqa aýysyp, onyń ekpini 9-14, kúndiz 15-20 m/s-qa jetedi. Aýa temperatýrasy túnde +12+14°S, kúndiz +19+21°S.
7 mamyr kúni: kún ala bultty, jaýyn-shashynsyz. Batys, ońtústik-batystan soqqan jeldiń ekpini 9-14, kúndiz 15-20 m/s-qa jetedi. Aýa temperatýrasy túnde +3+5°S, kúndiz +16+18°S.
8 mamyr kúni: kún ala bultty, jaýyn-shashynsyz. Ońtústik-batystan soqqan jelsoltústik-batysqa aýysyp, onyń ekpini 9-14, kúndiz 15-20 m/s-qa jetedi. Aýa temperatýrasy túnde +9+11°S, kúndiz +18+20°S.
Almaty qalasy boıynsha konsýltatıvtik aýa raıy boljamy
6 mamyr kúni: kún ala bultty, keshke ótkinshi jańbyr jaýyp, naızaǵaı oınaıdy. Aýa temperatýrasy túnde +11+13°S, kúndiz +25+27°S.
7 mamyr kúni: kún ala bultty, keı jerlerde jaýyn-shashyn túsip, naızaǵaı oınaıdy. Jeldiń ekpini - 2-7 m/s. Aýa temperatýrasy túnde +12+14°S, kúndiz +20+22°S.
8 mamyr kúni: kún ala bultty, kúndiz jańbyr jaýady. Jeldiń ekpini - 2-7 m/s. Aýa temperatýrasy túnde +10+12°S, kúndiz +20+22°S.
