Elimizde demalys kúnderi aýa raıy qandaı bolady
NUR-SULTAN. QazAqparat - 20-22 qyrkúıek kúnderi Qazaqstannyń ońtústigi men shyǵysynda kún ystyq bolady, dep habarlaıdy QazAqparat Qazgıdrometke silteme jasap.
Atmosferalyq shepterden turatyn barıkalyq jyra Qazaqstannyń batys bóligine yǵysyp, respýblıkanyń batys jáne soltústik-batys aımaqtarynda aýa raıynyń bultty, jaýyn-shashyndy bolýyna jáne aýa temperatýrasynyń tómendeýine ákeledi. Jeksenbi kúni aýa aǵyndary soltústik, ortalyq jáne ońtústik oblystarǵa, al dúısenbide ońtústik-shyǵys jáne shyǵys óńirlerge jetedi. Osyǵan baılanysty, atalǵan aımaqtarda da jańbyr jaýyp, aýa temperatýrasy tómendeı bastaıdy.
Sınoptıkterdiń aıtýynsha, demalys kúnderi áli de jyly bolady, al ońtústik, ońtústik-shyǵys, shyǵys jáne ortalyq aımaqtarda aýa temperatýrasy 30…38°S-qa deıin kóterilip, klımattyq normadan 4…8°S joǵary bolady.
