Elimizde dándi daqyldar alańynyń 70% jýyǵy jınaldy – mınıstrlik
NUR-SULTAN. QazAqparat - Elimizde dándi daqyldar alańynyń shamamen 70% jınaldy. Bul týraly QR Aýyl sharýashylyǵy mınıstrliginiń baspasóz qyzmetinen málim etti, dep habarlaıdy QazAqparat.
«Búgingi kúni respýblıkanyń barlyq óńirinde egin jınaý naýqany jalǵasyp jatyr. Ákimdikterdiń derekterine sáıkes, 11,3 mln ga astyq jınaldy – bul jospardyń 69,8 % quraıdy.
12 ts/ga ortasha ónimdilikte 13,5 mln tonna astyq bastyryldy (2021 jyly osy merzimde ortasha ónimdilik 8,9 ts/ga quraǵan bolatyn).
Onyń ishinde, maıly daqyldar 337,5 myń ga alqapta jınaldy.
Jalpy jospardyń 10% oryndalyp, 220,6 myń tonna bastyryldy», - delingen vedomstvo málimetinde.
Sondaı-aq aqparatqa sáıkes, 66,5 myń ga alqapta kartop jınaldy, bul – jospardyń 34%. Jınalǵan ónim 1,4 mln tonnany quraıdy.
Buǵan qosa 113,1 myń gektardan 3,2 mln tonna kókónis jınalǵan, bul – jalpy alańnyń 66%.
