Elimizde COVID-19 juqtyrǵandardyń 70% naýqaspen baılanysta bolǵan
Bul týraly QR DSM Taýarlar men qyzmetterdiń qaýipsizdigi men sapasyn baqylaý komıtetiniń tóraǵasy Tımýr Sultanǵazıev aıtyp berdi.
«Qazirgi ýaqytta elimizde COVID-19 indetin juqtyrýdyń 2791 jaǵdaıy tirkeldi. Onyń 70 paıyzy nemese 1957 adam - jaqyn baılanysta bolǵandar. Jergilikti jaǵdaılar - 17 paıyz nemese 473 jaǵdaı. Basqa memleketten kelgender - 11 paıyz nemese 302 jaǵdaı», - dep atap ótti T. Sultanǵazıev facebook jelisinde ótken onlaın brıfıngte.
www.facebook.com/minzdravrk
Onyń aıtýynsha, ótken táýlikte 116 jańa oqıǵa tirkelip, 4,5 paıyz ósim baıqalǵan.
«Ótken aptada indet ósimi 4,5-8 paıyz aralyǵynda bolǵan edi. Alaıda keıbir oblystar men aýmaqtarda bul ósim ótken aptada 50 paıyzdan joǵary bolǵan. Jalpy aıtqanda, naýryz aıymen salystyrǵanda ósim kórsetkishteri birtindep turaqtalyp keledi dep aıtýǵa bolady. Qazirgi ýaqytta 682 syrqat jazylyp, aýrýhanadan shyqty. Jalpy monıtorıngte jaqyn nemese yqtımal baılanysqandar retinde 47 myń 839 adam atalǵan edi. Onyń 98,5 paıyzy dárigerlermen habarlasyp, úı karantınine jatqyzyldy», - dedi spıker.