Elimizde «Chekti talap etip, júlde utyp al» naýqany bastaldy

ASTANA. QazAqparat - Ústimizdegi jyldyń 1-qazany men 15-jetoqsany aralyǵynda «Atameken» UKP-nyń qoldaýymen MKK «Chekti talap etip júlde utyp al» naýqanyn ótkizedi. Onda bas júlde - avtokólik utysqa salynady.

«Barlyq oblystar men Astana jáne Almaty qalalarynda aı saıyn júldelerdiń utysy men olardy tabystaý ótedi.  Basty fınal jyl aıaǵynda Memlekettik kirister komıtetinde ótedi. Onda baǵaly júldeler oınatylyp,  bas júlde - avtokólik utysqa salynady. Aktsııaǵa ózderi tutynǵan taýar, jumys nemese qyzmet úshin berilgen fıskaldy chektiń fotosyn «Wipon» mobıldi qosymshasy  arqyly jibergen Qazaqstan Respýblıkasynyń azamattary qatysa alady», dep habarlaıdy komıtet.

Osylaısha, naýqanǵa qatysý arqyly árbir azamat kóleńkeli ekonomıka mólsherin azaıtýǵa jáne kásipkerler arasynda adal básekelestikti yntalandyrýǵa at salysa alady.