Elimizde byltyrǵyǵa qaraǵanda azyq-túlik baǵasy birshama ósti - Statıstıka
ASTANA. QazAqparat - 2014 jylǵy qarashada azyq-túlik taýarlarynyń baǵasy 2013 jylǵy qarashamen salystyrǵanda 7,7 paıyzǵa ósti. Bundaı málimetti Ulttyq ekonomıka mınıstrligi Statıstıka komıteti keltirip otyr.
Atap aıtqanda, 2014 jylǵy qarashada 2013 jylǵy tıisti aımen salystyrǵanda baǵa qantqa 17 paıyz, unǵa - 15,3 paıyz, sút ónimderine - 11,3 paıyz, jarmalarǵa - 10,5 paıyz, kofe, shaı jáne kakaoǵa - 9,6 paıyzǵa qymbattaǵan. Budan bólek, balyq jáne teńiz ónimderine - 9,5 paıyz, alkogoldi ishimdikterge - 9,2 paıyz, toqash jáne un ónimderine - 9 paıyz, kondıterlik ónimderge - 8,8 paıyz, jemister men kókónisterge - 8,6 paıyz, makaron ónimderine - 7,4 paıyz, nanǵa - 6,7 paıyz, maı jáne toń maıǵa - 1,7 paıyzǵa baǵa ósimi tirkelip otyr.
«Sonymen qatar, atalǵan kezeńde et jáne et ónimderi baǵasynyń ósimi 4,9 paıyz qurady. Al qus etine baǵa deńgeıi 18 paıyz, shujyq ónimderine - 11,4 paıyz, shoshqa etine - 5,9 paıyz, jylqy etine - 2,2 paıyz, qoı etine - 0,2 paıyzǵa joǵary boldy», - delingen baspasóz baıanynda.
