Elimizde búgingi kúni tumaýǵa qarsy 479 myń adam egildi - Densaýlyq saqtaý mınıstrligi
ASTANA. 18 qazan. QazAqparat - Densaýlyq saqtaý mınıstrliginiń málimetterine qaraǵanda, elimizde búgingi kúni tumaýǵa qarsy 479 myń adam egilgen.
Baspasóz qyzmetiniń derekteri boıynsha, Qazaqstan Respýblıkasynyń memlekettik shekarasy arqyly ótkizý beketterinde sanıtarııalyq-karantınik baqylaý kúsheıtildi. Dene qyzýy joǵary adamdardy qarym-qatynasssyz anyqtaý maqsatynda halyqaralyq áýejaılarda 20 teplovızor jáne 64 pırometr ornatyldy. Densaýlyq saqtaý mınıstrligi dene qyzýynyń kóterilýi, jótel, tamaqtyń aýyrýy sııaqty tumaý dertiniń alǵashqy belgileri baıqala bastaǵanda tez arada dárigerdi shaqyrýdy jáne ózdiginen em qabyldamaýdy usynady.
Tumaý belsendiliginiń artýynyń aldyn alý maqsatynda halyqtyń kóp jınalatyn oryndaryna barmaý, úıde nemese ǵımarattardyń ishinde qorǵanysh maskasyn kııý sııaqty aldyn alý sharalaryn jasap, profılaktıkalyq vırýsqa qarsy preparattardy paıdalaný, úıdi taza ustap, aýasyn jeldetip turý, sondaı-aq pııaz, moıyl jeý, bal, lımon, qaraqat sııaqty jemisterdi paıdalaný sııaqty halyqtyq em-domdardy da paıdalanǵan jón.
