Elimizde búgin Ulttyq biryńǵaı testileý bastaldy
ASTANA. 4 maýsym. QazAqparat /Damır Baımanov/ - Qazaqstannyń mektep bitirýshi túlekteri búginnen bastap Ulttyq biryńǵaı test tapsyrýǵa kiristi.
Bilim ján ǵylym mınıstrliginiń baspasóz qyzmetiniń aqparaty boıynsha, bıyl Ulttyq biryńǵaı testileýdi 160 201 mektep bitirýshiniń 129 471-i (81 paıyzy) tapsyrady, onyń ishinde 85 372-si -qazaq tilinde, 44 099-si - orys tilinde tapsyrady. Testileý 49 qala men 105 aýdan ortalyqtarynda qurylǵan 154 testileý pýnktterinde 4-10 maýsymnyń aralaǵynda ótkiziledi.
Testileý 5 pán boıynsha: oqytý tili (qazaq nemese orys), Qazaqstan tarıhy, matematıka, tańdaýy boıynsha pán, sondaı-aq orys tilinde oqytatyn mektepterdegi - qazaq tili, qazaq tilinde oqytatyn mektepterdegi - orys tili pánderi boıynsha ótedi. Árbir pán boıynsha test tapsyrmalarynyń sany - 25 suraqty quraıdy; bes pán boıynsha - 125; testileý ýaqyty - 210 mınýt, ıaǵnı 3,5 saǵat.
Bıylǵy jylǵy mektep bitirýshiler úshin memlekettik grant konkýrsyna qatysý jáne respýblıkamyzdyń joǵary oqý oryndaryna aqyly negizde oqýǵa túsý úshin shekti deńgeı 50 baldy («Jalpy medıtsına» mamandyǵy úshin - 55 ball) quraıdy.
Qurmetti túlekter, Ulttyq biryńǵaı testileýgi sátti tapsyrýǵa tilek bildiremiz!
