Elimizde bosqyndardyń mártebesi ósedi

ASTANA. QazAqparat – Qazaqstanǵa kelgen bosqyndarǵa jaǵdaı jasap, áleýmettik qoldaý jaǵy qarastyrylyp jatyr. Eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy Іlııas Ispanov málimdeýinshe, olardyń mártebesi arta túspek, dep habarlaıdy QazAqparat tilshisi.

«Álemdegi geosaıası jaǵdaıǵa baılanysty búginde bosqyndar máselesi ózekti. Atalǵan másele byltyr Іshki ister mınıstrliginen bizdiń quzyretimizge berildi. Qazaqstan 1998 jyly bosqyndar mártebesi týraly dúnıejúzilik konventsııasyn ratıfıkatsııalady. Oǵan sáıkes elge kelgen bosqyndarǵa jaǵdaı jasap, áleýmettik qoldaý jaǵy qarastyrylǵan. Osy oraıda elimizdiń múmkindigine qaraı bosqyndar máselesin kóterip, qajet bolǵan jaǵdaıda zańnamalyq jáne quqyqtyq aktilerdi qabyldap, bosqyndar mártebesin belgili bir deńgeıge kóterýdi jolǵa qoıdyq», - dedi Іlııas Ispanov OKQ-de ótken brıfıngide.

Onyń aıtýynsha, búginde atalǵan baǵytta memlekettik quzyrly organdarmen birlesken jumys júrip jatyr.

Buǵan deıin habarlaǵanymyzdaı, Qazaqstanǵa ınvestıtsııa quıǵan shetel azamattaryna ımmıgrant vızasymen qatar 10 jyl turýǵa ruqsat berilmek.

Aıta keteıik, búginde elimizde 14 417 shetel azamaty jumys istep jatyr.

Onyń ishinde 3790 syrttan kelgen eńbek mıgrantyna ruqsat bıyl berilgen.