Elimizde bıyl taǵy 10 myń oryndyq jataqhanalar paıdalanýǵa beriledi
NUR-SULTAN. QazAqparat – Bilim jáne ǵylym mınıstri Ashat Aımaǵambetov elimizdegi stýdentterdi jataqhanamen oryndarymen qamtý máselesi qalaı sheshilip jatqanyn aıtty, dep habarlaıdy QazAqparat tilshisi.
«Jataqhana máselesi týraly aıtar bolsaq, munda problema bar. Qazir qoldanystaǵy jataqhanalarda jaǵdaı ártúrli. Shynymen tozyp ketken jataqhanalar da kezdesedi. Biraq, bul jerde másele qaıda? Biz máselen, qazir jan basyna esepteý boıynsha qarjylandyryp otyrmyz. Alaıda oǵan jataqhanany ustap turý ádistemesin engizbedik. Tıisinshe ádistemede bul qarajat bolmasa, jataqhanany ustap turýǵa da aqsha salynbaıdy. Sol sebepti osy máseleni retke keltirdik», - dedi Ashat Aımaǵambetov Parlament Senaty janyndaǵy Jastar keńesiniń alǵashqy otyrysynda .
Mınıstrdiń aıtýyna qaraǵanda, Elbasynyń úshinshi áleýmettik bastamasy – 75 myń oryndyq jataqhana salý máselesi ret-retimen iske asyp keledi. Máselen, byltyr 10 myń jataqhanalyq oryn paıdalanýǵa berilse, bıyl taǵy 15 myń oryndyq jataqhana daıyn bolady.
«Bizde jer boıynsha eshqandaı másele joq. Memlekettik-jekeshelik áriptestik aıasynda belgili bir kásipker jataqhana salýǵa nıettense, bul turǵyda memlekettiń mindettemeleri naqty tirkeledi. Biz 8 jyl boıy bir jataqhanalyq oryn úshin aqy tóleımiz dep otyrmyz. ıAǵnı, bul boıynsha asa ótkir másele joq», - dedi ol.
