Elimizde bıyl nárestelerdiń shetineý kórsetkishi azaıdy
yrkúıektiń 10-y. QazAqparat /Ernur Aqanbaı/ - 2010 jyldyń 8 aıynyń qorytyndysy boıynsha, Qazaqstanda ótken jyldyń tıisti kezeńimen salystyrǵanda nárestelerdiń shetineý kórsetkishi azaıdy. Bul týraly búgin Astanada «Bnews.kz» portalynda ótken onlaın konferentsııada QR Densaýlyq saqtaý vıtse-mınıstri Salıdat Qaıyrbekova aıtty.
««2010 jylǵy 8 aıdyń qorytyndysy boıynsha, respýblıkamyzda 1000 tiri týylǵan sábıge shaqqanda nárestelerdiń shetineý kórsetkishi 17,3 promılleni (osylaı dep atalatyn kórsetkish bar) qurady. Al, 2009 jyly bul kórsetkish 1000 tiri týylǵan sábıge shaqqanda 18,7 promılle bolǵan. Tsıfr kórsetip turǵanyndaı, bıyl elimizde nárestelerdiń shetiný kórsetkishi ótken jylǵa qaraǵanda azaıǵan», dedi S. Qaıyrbekova.
Onyń sózine qaraǵanda, qazirgi tańda Densaýlyq saqtaý mınıstrliginiń janynda Qazaqstandaǵy ana men bala ólimin azaıtý úshin kezek kúttirmeıtin sharalardy qabyldaý jónindegi shtab jumys isteıdi. Oblystar deńgeıinde de osyǵan uqsas shtabtar bar. Ákimderdiń orynbasarlary basqaratyn olardyń óńirlik shtabtar mártebesi bar.
Aıta ketıik, basqa da demografııalyq kórsetkishter sııaqty nárestelerdiń ólimi absolıýtti de jáne salystyrmaly da termındermen esepteledi. Salystyrmaly kórsetkish nemese náresteler óliminiń koeffıtsıenti ádette promıllemen kórsetiledi jáne bir jylda týylǵan 1000 sábıge shaqqanda 1 jasqa deıingi shetinegen nárestelerdiń sanyn bildiredi. Ádette, 100 nemese 10 myń jańa týylǵandardy eseptegendegi koeffıtsıent jıi qoldanylady.
