Elimizde bıyl boljam boıynsha elektr energııasyn tutyný jáne óndirý 83-84 mlrd. kVt/saǵatty quraıdy

Bul týraly búgin Astanadaǵy brıfıngte Indýstrııa jáne jańa tehnologııalar vıtse-mınıstri Dúısenbaı Turǵanov málim etti. Onyń sózine qaraǵanda, 2009 jyldyń sońynan bastap Qazaqstanda elektr energııasyn tutyný jáne óndirý kóleminiń óskeni baıqaldy. «Shuǵyl derekter boıynsha, qazirgi kúnde respýblıkamyzda 42 mlrd. kVt/saǵat elektr energııasy tutynyldy. Ótken jyldyń uqsas kezeńimen salystyrǵanda ósim 9,7 paıyzdy qurady. Osy ýaqytta 41,5 mlrd. kVt/saǵat elektr energııasy óndirildi, ósim 7,5 paıyzdy qurady», dedi ol. «Bizdiń boljam boıynsha, bıyl elimizde elektr energııasyn tutyný jáne óndirý 83-84 mlrd. kVt/saǵatty quramaq. Bul óte jaqsy ósim. Táýelsizdik alǵannan bergi ýaqytta biz áli mundaı kórsetkishke qol jetkizgen emespiz», dedi D. Turǵanov.