Elimizde bıyl adam saýdasyna qatysty 136 qylmystyq is qozǵalǵan

NUR-SULTAN. QazAqparat – Jyl basynan beri polıtsııa adam saýdasyna qatysty 136 qylmystyq is qozǵalǵan. Bul týraly QR ІІM resmı ókili Nurdildá Oraz aıtyp berdi, dep habarlaıdy QazAqparat.

«Jyl basynan beri polıtsııa adam saýdasyna qatysty 136 qylmystyq isti tirkedi, onyń ishinde kámeletke tolmaǵandardy satýǵa qatysty 16 is bar», – dedi Nurdildá Oraz mınıstrlikte ótken aptalyq brıfıngte.

Onyń aıtýynsha, halyqaralyq reıtıngte qabyldanyp jatqan sharalardyń arqasynda Qazaqstan Respýblıkasy Adam saýdasyna qarsy is-qımyl salasyndaǵy eń tómengi standarttardy saqtaý boıynsha aıtarlyqtaı kúsh-jiger jumsaıtyn elder sanatynda.

Buǵan deıin resmı ókil TMD elderinde «Іzdeý» jedel aldyn alý sharasy ótkenin, Qazaqstan izdeý jarııalaǵan 33 adamnyń TMD aýmaǵynda ustalǵanyn aıtqan edi.