Elimizde birneshe nemese bir aýmaqtyq birlikte aýdanaralyq sottar qurylady
ASTANA. QazAqparat – Elimizde birneshe nemese bir aýmaqtyq birlikte aýdanaralyq sottar qurylmaq. Bul týraly senator Andreı Lýkın aıtty, dep habarlaıdy QazAqparat tilshisi.
«Memleket basshysy Joldaýynda sýdıalardyń táýeldiligin tómendetý arqyly olardyń teń mártebesin, onyń ishinde sot tóraǵalary pozıtsııasynyń bir bóligin sýdıa laýazymyna ózgertý esebinen qamtamasyz etý kórsetilgen. Sondyqtan zań jobasynda birneshe nemese bir aýmaqtyq birlikte aýdanaralyq sottar qurý usynylady. Sol arqyly sot tóraǵalarynyń pozıtsııasy qysqartylady», - dedi Andreı Lýkın Senattyń jalpy otyrysynda «QR sot júıesi jáne sottardyń mártebesi týraly» zań jobasyn tanystyra kele.
