Elimizde birqatar poıyz kestesine ózgerister engiziledi
ASTANA. QazAqparat - Elimizde 2018-2019 jyldarǵa arnalǵan poıyz qozǵalysynyń jańa kestesi 9 jeltoqsannan bastap engiziledi. Bul týraly QazAqparat «Jolaýshylar tasymalyna» silteme jasap habarlaıdy.
«105» nómiri boıynsha birtutas anyqtama qyzmeti men temirjol vokzaldarynyń anyqtamalyǵy jolaýshylar poıyzy qozǵalysynyń kestesin ózgertýge qatysty naqty aqparat berýge daıyn.
2018 jyldyń 9 jeltoqsanynan bastap «RTJ» AAQ birlese kúnara júretin «Qaraǵandy-Tomsk-2» baǵytyndaǵy №363/364 poıyzyn jolǵa qoıý josparlanyp otyr.
«ÝTI» AQ jasaqtaǵan Beıneý - Atyraý - Qıǵash arqyly «Tashkent - Máskeý» qatynasyndaǵy №349/350 poıyzy aptasyna bir ret júretin bolady.
Jolaýshylardyń ótinishteri men tilekteri eskerilip, QR IDM kelisimimen, jol júrý ýaqytyn 4 saǵatqa qysqartý jáne jyldamdyqty arttyrý esebinen «Almaty-2 - Mańǵystaý» baǵytynda qatynaıtyn №377/378 poıyzyn jedeldetý týraly sheshim qabyldandy.
2019 jyldyń 2 qańtarynan «Almaty-2 - Oral» qatynasyndaǵy №49/50 poıyzdyń júrý joly ózgeredi. Poıyz (Shymkent-Qyzylorda stantsııasynyń ornyna) Astana - Tobyl stantsııasy arqyly júredi.
Temirjoldaǵy jolaýshylar tasymalynda turǵyndardyń qajettilikterin qanaǵattandyrý úshin jazǵy kezendegi iske qosylatyn qosymsha poıyzdar kelesi tártipte saqtalady:
№ 152/151 Astana - Almaty jıiligi kúnara;
№ 162/161 Almaty - Semeı jıiligi kúnara;
№ 173/174 Almaty - Shymkent jıiligi kúnara;
№ 176/175 Almaty - Túrkistan jıiligi kúnara;
№ 251/252 Samarqand - Astana jıiligi aptasyna bir ret;
№ 253/254 Astana - Dostyq jıiligi aptasyna 2 ret.
