Elimizde birqatar memlekettik fýnktsııalardy azamattyq sektorǵa berý usynyldy
Bul týraly elordada ótken baspasóz máslıhatynda QR Ulttyq ekonomıka mınıstriniń orynbasary Aıbatyr Jumaǵulov habarlady.
Onyń aıtýynsha, alǵashqy kezeńde básekelestik ortaǵa berilýi tıis fýntsııalar eki topqa bólingen.
«Alǵashqy topqa QR Qarjy mınıstrligi, QR Ádilet mınıstrligi, QR Energetıka mınıstrligi, QR Densaýlyq saqtaý mınıstrligi, QR Aýyl sharýashylyǵy mınıstrligi jáne QR Investıtsııalar jáne damý mınıstrligi syndy mekemelerdiń 38 fýnktsııasy endi. Ondaǵy 20 fýnktsııany ózin-ózi retteý uıymdaryna tapsyrý, qalǵan 18 fýnktsııany ózge tásildermen berý josparlandy. Júrgizilgen jumystardyń nátıjesi boıynsha, Saraptama toby 6 memlekettik fýnktsııany básekelestik ortaǵa berýdi usynyp otyr. Qalǵan fýnktsııalarda birqatar daýly máseleler bolǵandyqtan, olardy vedomstvoaralyq komıssııada kóterýdi usynamyz», - dedi vıtse-mınıstr.
Ózge tásildermen beriledi dep uıǵarylǵan fýnktsııalar arasynan Saraptama toby kórsetiletin medıtsınalyq kómektiń deńgeıi men sapasyna azamattardyń qanaǵattanýshylyq deńgeıin anyqtaý boıynsha jáne Qazaqstan jáne onyń halyqaralyq naryqtaǵy týrıstik múmkindikteri týraly aqparat taratý boıynsha 2 memlekettik fýnktsııany azamattyq sektorǵa berýdi usyndy.
Eske sala ketsek, keıbir memlekettik fýnktsııalardy básekelestik ortaǵa berý máselesi Qazaqstan Respýblıkasynyń Prezıdenti N. Nazarbaevtyń bastamasymen júrgizilip otyrǵan «100 naqty qadam» Ult josparynyń 97-shi qadamynda kórsetilgen. Ony júzege asyrý úshin 2016 jyldyń qańtar aıynda arnaıy komıssııa quryldy. Atalǵan sharalardy oryndaý memlekettik fýnktsııalardy qysqartýǵa, azamattardyń sheshim qabyldaý úrdisine qatysýyn keńeıtýge, jergilikti ózin-ózi basqarý jáne ózin-ózi retteýdi damytýǵa, sonymen qatar, memlekettiń shyǵyndaryn azaıtýǵa baǵyttalǵan.
