Elimizde bir vedomstvodan ekinshisine komandamen aýysý taǵaıyndaýlaryna tyıym salynady - Álıhan Báımenov
Bul týraly búgin Astanada Memlekettik qyzmetti jetildirý jónindegi saraptamalyq keńestiń 5-shi májilisinde QR Memlekettik qyzmet isteri agenttiginiń tóraǵasy Álıhan Báımenov málim etti.
«Komandamen qyzmet aýystyrýǵa tosqaýyl qoıý bul kúrdeli másele. Ótken jyly barlyq taǵaıyndaýdyń 74 paıyzy aýysýmen júzege asyryldy. Tek 17 paıyzy ǵana konkýrs boıynsha taǵaıyndalǵan», - dedi aganttik basshysy.
Á. Báımenovtyń sózinshe, bul turǵyda eki kezeńdi sharalar atqarylady. Atap aıtqanda, jańa orynǵa bekitilgen basshy memlekettik qyzmetkerlerge jumystan ketý týraly ótinish jazýǵa májbúrleıdi, sondaı-aq budan keıin olardyń ornyna aýystyrý arqyly óziniń burynǵy qyzmetkerlerin alyp keledi.
«Qyzmetkerlerdiń aýysý arqyly taǵaıyndalýyna tolyǵymen tyıym salý boıynsha jaqynda bizge Úkimet basshysynan hat kelip tústi jáne bul másele turǵysynda Elbasynyń kelisimin aldyq. Men bul qadamdy qoldaımyn», - dep toqtaldy agenttik basshysy
Á. Báımenovtyń paıymdaýynsha, aýysý arqyly taǵaıyndaý bir memlekettik organnyń ishinde, sondaı-aq erekshe qyzmetin eskere otyryp, Prezıdent Ákimshiligi úshin bul sharalar saqtalý kerek.
«Al qalǵandarynda bul múmkindikterge tolyǵymen shekteý jasaý kerek», - dedi ol. Agenttik basshysy memlekettik organdarǵa irikteý júıesine ózgeris engizilip jatqandyǵyn jáne baıqaý ótkizý merzimin 2-3 esege qysqaratynyn jetkizdi.