Elimizde bir táýlikte 6 adamnyń ajaly sýdan boldy
ASTANA. QazAqparat - Ótken táýlikte sýǵa batyp ketken 6 jáne 8 jastaǵy eki bala men 13 jáne 15 jastaǵy eki jasóspirimniń, sonymen birge, 35 jáne 50 jastaǵy eki er adamnyń máıitteri Qazaqstannyń sý qoımalarynan shyǵaryldy.Bul týraly QR TJM aqparattyq portalynda habarlandy.
Aqtóbe oblysynyń Hromtaý aýdanyndaǵy Or ózenine 10 maýsym kúni sýǵa túsý kezinde 2006 jáne 2008 jyldary týǵan eki bala batyp ketti. Olardyń máıitterin sýdan jergilikti turǵyndar alyp shyqty. Ońtústik Qazaqstan oblysynyń Otyrar aýdanynda Arys ózenine 9 maýsym kúni sýǵa túsý kezinde 1999 jáne 2001 jyldary týǵan eki jasóspirim batyp ketti. 10 maýsym kúni máıitter OQO TJD sýda qutqarý qyzmetiniń kúshimen shyǵaryldy. Aqmola oblysynyń Arshaly aýdanynda Esil ózenine 9 maýsym kúni 22.05 kezinde balyq aýlaý kezinde 1979 jyly týǵan er adam batyp ketti. 10 maýsym kúni 11.10 kezinde máıit sýdan tabylyp, QR TJM «OAAJQJ» MM kúshimen shyǵaryldy. Oral qalasynda Shaǵan ózenine 10 maýsym kúni sýǵa túsý kezinde 1964 jyly týǵan er adam batyp ketti. Onyń máıiti sýdan Batys Qazaqstan oblysynyń TJD sýda qutqarý qyzmetiniń kúshimen tabylyp, shyǵaryldy.
