Elimizde bir aptada 3 myńǵa jýyq qylmys tirkeldi -ІІM

ASTANA. QazAqparat – Polıtseıler qylmystardyń basym bóligin táýlik ishinde ashty. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Bir apta ishinde 2907 qylmys tirkeldi. Onyń 1818-i táýlik ishinde ashyldy», - dedi Sh. Turlybek mınıstrliktiń kezekti brıfınginde.

Onyń aıtýynsha, polıtsııa qyzmetkerleri izin sýytpaı 8 kisi óltirý, 1 ólimge ákep soqqan densaýlyqqa qasaqana aýyr zııan keltirý, 31 tonaý jáne 407 múlikti urlaý qylmystaryn ashty.

Aıta keteıik, búgingi brıfıngide Anti-fraud jedel-aldyn alý is-sharasy aıasynda úsh kúnde polıtseıler 150-den astam kıberqylmystyń betin ashqany jarııalandy.

Sonymen qatar, elimizde sheteldik kólikti zańdastyrý aıasynda 61 myń ótinim maquldandy.