Elimizde bir aptada 2817 qylmys jasaldy -ІІM

ASTANA. QazAqparat – QR Іshki ister mınıstrliginiń ókili Shuǵyla Turlybek ótken aptada tirkelgen qylmys statıstıkasyn atady, dep habarlaıdy QazAqparat tilshisi.

Shuǵyla Turlybektiń aıtýynsha, ótken aptada respýblıka boıynsha 2800-den astam qylmys tirkelgen.

«Bir apta ishinde 2817 qylmys jasaldy. Onyń 1696-sy táýlik ishinde ashyldy. Polıtsııa qyzmetkerleri izin sýytpaı 10 kisi óltirýdi, 5 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 25 tonaý jáne 417 múlikti urlaý qylmystaryn ashty», - dedi ol mınıstrliktiń kezekti brıfınginde.

Eske salsaq, bir apta buryn Shuǵyla Turlybek mınıstrlik mamandary qoǵamdyq qaýipsizdik tujyrymdamasyn ázirlep jatqanyn aıtqan edi.