Elimizde bir apta ishinde 3146 qylmys tirkeldi
NUR-SULTAN. QazAqparat – «Bir apta ishinde 3146 qylmys tirkelip, onyń 2042-i táýlik ishinde izi sýymaı ashyldy. Bul týraly QR ishki ister mınıstriniń resmı ókili Nurdildá Oraz aıtty, dep habarlaıdy QazAqparat tilshisi.
«Bir apta ishinde 3146 qylmys tirkelip, onyń 2042-i táýlik ishinde izi sýymaı ashyldy. Polıtsııa qyzmetkerleri izin sýytpaı 8 kisi óltirý, 8 ólimge aparyp soqtyrǵan qasaqana densaýlyqqa zııan keltirý qylmysyn ashty. Sondaı-aq, 2 qaraqshylyq shabýyl, 3 tonaý, 437 bóten múlikti urlaý qylmysy da áshkere boldy», - deıdi QR ІІM resmı ókili Nurdildá Oraz.
Sondaı-aq, ol «Halyq únine qulaq asatyn memleket» tujyrymdamasyn iske asyrý sheńberinde Іshki ister mınıstrligi 1 aqpannan, polıtsııaǵa habarlama qabyldaýdyń jańa protsesin iske qosqanyn aıtty.
«102» mobıldi qosymshasynyń kómegimen eldiń árbir turǵyny ishki ister organdaryna vandalızm, qoqystardy qoǵamdyq oryndarǵa tastaý, esirtki satý jáne taǵy basqa jasalǵan quqyq buzýshylyq týraly aqparatty jibere alady.
Bul júıe arqyly siz apellıatsııalyq shaǵym jibere alasyz. Ol úshin operatorǵa aýdıo nemese vıdeo qońyraý arqyly habarlasyńyz. Al qońyraý shalýshynyń ornalasqan jeri avtomatty túrde anyqtalady, operator ne bolyp jatqanyn kóre alady jáne tótenshe jaǵdaılardy joıý sharalaryn qoldana alady», - deıdi ol.
