Elimizde bir apta ishinde 3 myńnan asa qylmys jasaldy
«Bir apta ishinde 3 127 qylmys jasaldy. Onyń 2 018-i táýlik ishinde ashyldy. Polıtsııa qyzmetkerleri «izin sýytpaı» 9 kisi óltirýdi, 2 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 42 tonaý jáne 460 bóten múlikti urlaý qylmystaryn ashty», - dedi Shuǵyla Turlybek mınıstrliktiń aptalyq brıfınginde.
Sonymen qatar ol adam saýdasynyń aldyn alý jáne eńbekke zańsyz tartylǵandardy anyqtaý boıynsha pılottyq jobanyń aralyq qorytyndylary shyǵarylǵanyn aıtty.
«Joba aıasynda Qaraǵandy, Túrkistan jáne Mańǵystaý oblystarynda polıtsııa men prokýratýra qyzmetkerleri, memlekettik eńbek ınspektorlary jáne úkimettik emes uıym mamandarynan turatyn mobıldi toptar jumys isteıdi. Shalǵaı aýdandar men aýyldardyń turǵyndarymen kezdesý barysynda mamandar adam saýdasy máselesi men onyń belgilerine toqtaldy. Sondaı-aq mundaı jaǵdaıǵa qalaı túspeý kerektigin jáne shuǵyl túrde qaıda júginý kerektigin túsindirdi», - dedi ol.