Elimizde bet-álpetti taný tehnologııasymen bılet alý jobasy iske qosylmaq
«Vagondardyń tolýyn jáne bıletterdi zańsyz qaıta satýdy qadaǵalaý maqsatynda Digital ID tulǵany qashyqtan sáıkestendirý servısiniń kómegimen temirjol bıletterin onlaın satý ilki jobasyn iske qosýdy josparlap otyr», - delingen «BTS Digital» taratqan aqparatta.
Poıyzǵa otyrǵyzý kezinde jolserik bılet satyp alǵan jolaýshynyń tulǵasyn smartfondaǵy baǵdarlama kómegimen fotosýret arqyly nemese vagonnyń tolýyn onlaın rejımde qadaǵalaýǵa múmkindik kamera men kompıýter arqyly teksere alady.
Qazirgi ýaqytta Almaty-Oral baǵytynda qatynaıtyn jolaýshylar poıyzynyń bir vagony tulǵany qashyqtan sáıkestendirý servısi jabdyqtalǵan.
Temirjol bıletterin satyp alýdyń jańa formaty olardy qaıtarý saıasatyna eshqandaı áser etpeıdi. Bıletterdi jolaýshylar aǵymdaǵy ýaqytta qoldanysta júrgen barlyq qaǵıdalarǵa saı aýystyrady nemese qaıtara alady. Balalarmen jolǵa shyqqan jaǵdaıda olar derekteri sáıkestendirýsiz engiziledi.