Elimizde benzındi smartfon arqyly tóleý múmkindigi qarastyrylýda

ASTANA. QazAqparat - Qazaqstanda qurylǵan janar-jaǵarmaı quıý stansalarynyń respýblıkalyq jelisi benzındi smartfon arqyly tóleý múmkindigi beretin mobıldi qosymsha jasaýda.

Bul týraly búgin Ortalyq kommýnıkatsııalar qyzmetinde «Qazaqstannyń munaı óńdeý zaýyty» JShS-niń basqarýshy dırektory Dáýlet Kalehanov málim etti.

«Bizde óte kóp jobalar bar. Onyń biri - mobıldi qosymsha jasaý. Talon, jeńildik beretin kartalar sııaqty sheshimder ótkenniń sarqynshaǵy bolyp qalady. Júrgizýshiler aqshasyz esep aıyrysa alady, eshqandaı shtrıh-kodtar da qajet emes», - dedi ol.

Kompanııanyń kommertsııalyq dırektory Sábı Sultanbekov atap ótkenindeı, endi júrgizýshiler talon men jeńildik kartalaryn ózimen tasyp júrmeıtin bolady, barlyq aqparat smartfonda saqtalady.