Elimizde belgilengen orasan zor baǵdarlamalardyń jastarsyz oryndalýy múmkin emes - Jambyl oblysynyń ákimi Qanat Bozymbaev

«Búgingi tańda oblysta jedeldete damytý memlekettik baǵdarlamasy aıasynda 807 mıllıard teńgeniń 19 jobasy belsendi túrde júzege asyrylýda. Budan basqa osy jyly, ótken jylǵa qaraǵanda, molyraq kólemde Jol kartasy jobasy júzege asyrylady. Sharýashylyqtyń túrli salalarynda 8,6 mıllıard teńgeniń 200-den astam naqty jobalary oryndalmaq. Olardy iske asyrýǵa 8,5 myń adam tartylady», - dedi Q. Bozymbaev.

Aımaq basshysy kadrlardy oqytý jáne qaıta daıarlaýǵa (bul, negizinen, jastar - 4,6 myń adam qamtylady dep josparlanǵan) 311 mıllıon teńgege jýyq qarajat bólinedi, dep atap ótti. Jol kartasyn júzege asyrý aıasyndaǵy jastar praktıkasy baǵdarlamasyn sheshý barysynda bıylǵy jyly sondaı-aq 3000 jańa jumys ornyna 360 mıllıon teńge bólinbek.

Prezıdent Nursultan Nazarbaev «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Qazaqstan halqyna Joldaýynda: «Jastar - bizdiń bolashaǵymyzdyń negizi - óz bolashaǵyn qurýdyń jańa múmkindikterine qol jetkizedi» - dep atap kórsetkendeı, dedi oblys ákimi odan ári, jas jigitter men qyzdarymyz patrıot-jańashyl azamattarǵa aınalýy úshin aımaqta «QR memlekettik jastar saıasaty týraly» QR Zańyn tıimdi oryndaý jolynda barlyq kúsh jumsaýdamyz, dep te atap aıtty.

Forýmda jastar men elimizdiń basty kapıtaly - sapaly joǵary bilim ekeni atap kórsetildi. «Biz oblysymyzda joǵary kásibı bilikti mamandar daıarlaý boıynsha úlken jumystar atqarýdamyz. Orta kásibı bilim mamandaryn daıyndaýǵa jyl saıyn memlekettik granttar taǵaıyndalady», - dedi ákim.

Búgingi tańda Jambyl oblysynda orta kásibı bilim beretin 56 uıymda 39,5 myńnan astam oqýshy kásiptik jáne tehnıkalyq daǵdylarǵa mashyqtanýda. Іs júzinde kásiptik mektepterdegi oqýshylardyń 95 paıyzy memlekettik bıýdjet qarajaty esebinen oqyp, bilim alýda. Úsh myńǵa jýyq jas jigitter men qyzdar joǵarǵy oqý ornynda memlekettik tapsyrys boıynsha bilim alyp júr.