Elimizde bekitilgen memorandýmdar 2 mıllıonǵa jýyq adamnyń jumysyn saqtaýǵa kepildik beredi
Memleket basshysynyń tapsyrmasymen jumys oryndaryn saqtaý jáne bosaǵan jumyskerlerdi jumyspen qamtý máseleleri boıynsha ákimdikter men kásiporyn jetekshileri arasyndaǵy yntymaqtastyq jóninde memorandýmdarǵa qol qoıý jumysy júrgizilgenin atap ótti.
«Búgingi tańda osyndaı 50 myńnan astam memorandýmǵa qol qoıyldy. Onyń ishinde 1,3 myńy iri kásiporyndarmen, 50 myńǵa jýyǵy shaǵyn jáne orta kásiporyndarmen jasalǵan. Taraptar óz mindettemelerin oryndaǵan jaǵdaıda atalǵan sharalar 1,9 mln. adamnyń (jalpy jumyspen qamtylǵandardyń 23 paıyzy) jumys ornyn saqtaýǵa múmkindik beredi»,-dedi mınıstrdiń orynbasary.
Osy oraıda qazirgi kezde memorandýmdardyń oryndalýyna turaqty túrde monıtorıng júrgizilýde. Qysqartý oryn alǵan jaǵdaıda bul faktiler úshjaqty komıssııalarda qarastyrylady.