Elimizde baspana saýdasy qyzyp tur
NUR-SULTAN. QazAqparat - 2019 jylǵy qańtar-sáýirdegi turǵyn úıdi satyp alý-satý mámileleriniń sany 87 246 qurady. Bul jaıynda QR UEM Satıstıka komıtetinen málim etti, dep habarlaıdy QazAqparat.
Vedomstvo aqparatyna qaraǵanda, 2019 jylǵy sáýirde turǵyn úıdi satyp alý-satýdyń tirkelgen mámileleriniń sany 28 189 bolǵan jáne ótken aımen salystyrǵanda, 47,3 paıyzǵa artyq. Al 2019 jylǵy qańtar-sáýirdegi turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 19,7 paıyzǵa joǵary.
Bul rette sáýir aıynda 8 490 jeke úı jáne 19 699 kóppáterli turǵyn úılerdegi páterdi satyp alý-satý mámilesi jasalǵan. Aqtóbe, Qaraǵandy, Pavlodar, Shyǵys Qazaqstan oblystary men Nur-Sultan jáne Almaty turǵyndary negizinen kópqabatty turǵyn úılerdegi páterlerdi satyp alyp-satsa, Aqmola, Jambyl, Soltústik Qazaqstan, Atyraý oblystarynda jeke úıler men kóppáterli turǵyn úılerdegi páterlerdi satyp alý-satý mámileleri deńgeıles keledi. Al Túrkistan oblysynda jeke úılerdi satyp alý-satý mámileleri basym bolyp tur.
