Elimizde bankrot bolǵandar 5 jylǵa deıin nesıe ala almaıdy

ASTANA. QazAqparat – Elimizde bankrot bolǵan azamatqa 5 jylǵa deıin nesıe berilmeıdi. Sondaı-aq, jaǵdaıy qıyndaı tússe 7 jyldan keıin taǵy bankrottyqqa ótinish bere alady. Bul týraly QR Qarjy vıtse-mınıstri Erjan Birjanov málim etti, dep habarlaıdy QazAqparat tilshisi.

«Bankrot mártebesin alýdyń saldaryna toqtalsam. Jeke tulǵaǵa 5 jylǵa deıin nesıe berý shekteledi. Azamat araǵa 7 jyl salyp bankrottyqqa qaıta júgine alady. Bankrottyqtan keıin 3 jyl ishinde ol azamattyń qarjylyq jaǵdaıyna monıtorıng júrgizý kózdelgen. Sol sebepti azamat ózin bankrot dep jarııalaýdan buryn yqtımal saldary men shekteýler týraly oılanýy qajet», - dedi Erjan Birjanov Senat qabyrǵasynda ótken dóńgelek ústel barysynda.

Onyń aıtýynsha, sot bankrottyq rásimin qarjy basqarýshylary arqyly júzege asyrady.

ıAǵnı, zańdy tulǵalar men jeke kásipkerlerdi bankrottyq rásimin júzege asyratyn ákimshiler, kásibı býhgalterler, zań konsýltanttary jáne aýdıtorlar.

«Negizgi zań jobasynan bólek, 4 kodeks pen 12 zań boıynsha ózgertýlerdi kózdeıtin ilespe zań jobasy men «QR Ákimshilik quqyq buzýshylyq týraly» kodeksine ózgerister men tolyqtyrýlar engizý usynylady. Jalpy, atalǵan zańdy iske asyrý azamattardyń boryshtyq júktemesin azaıtýǵa, áleýmettik shıelenisti jeńildetip, qarjylyq saýattylyqty arttyrýǵa baǵyttalady. Sonymen qatar qaryzdy bankrottyqtan keıin birqatar shekteý azamattardyń qaryzyn óteýge yntalandyrady degen úmittenemiz», - deıdi ol.