Elimizde bank qaryzdary men mıkrokredıtterdi keshirýge qatysty kóp ótinish túsken
Mundaı derekter «Ashyq NQA» portalynda «QR keıbir zańnamalyq aktilerine qarjy uıymdarynyń qyzmetin retteý jáne qarjylyq kórsetiletin qyzmetterdi tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» qujatta qamtylǵan.
«Ótken jyly Qarjy naryǵyn retteý jáne damytý agenttigi jeke jáne zańdy tulǵalardyń 35 337 ótinishin qarady. Al 2021 jyly mundaı ótinishter 42 925 bolǵan edi. Tutynýshylar ótinishiniń 99%-y bankter men banktik emes uıymdar sektoryna qatysty boldy. Taldaý kórsetkendeı, bank jáne mıkroqarjy salasyndaǵy negizgi ótinishter bank qaryzdary men mıkrokredıtterdi keshirý, olardy qaıta qaraý jáne normatıvtik-quqyqtyq aktilerdiń normalaryn túsindirý jóninde bolǵan. Zertteý nátıjesinde qaryz alýshynyń boryshtyq júkteme koeffıtsıentin durys eseptemeý, jasyryn komıssııalar, syıaqy mólsherlemesiniń shekti máninen jáne jyldyq tıimdi syıaqy mólsherlemesinen asyp ketýi, jalǵan tutynýshylyq kredıtterdi rásimdeý sııaqty problemalar anyqtalady», - delingen qujatta.
Buǵan deıin Qazaqstanda 17 mıkroqarjy uıymy lıtsenzııasynan aıyrylǵany habarlanǵan edi.
