Elimizde bank depozıtterin dollarsyzdandyrý jalǵasýda – Ulttyq bank
«COVID-19-ben aýyrǵandar sanynyń ósýi ishki naryqqa aıtarlyqtaı áser etip jatqan joq. Shetel valıýtasyna degen asa úlken suranys baıqalmaıdy. Valıýta naryǵyndaǵy saýda-sattyq kólemi karantınnen keıingi kezeń sheginde kúnine 90-130 mln AQSh dollarymen qalyp otyr. Aıtyp ótkenimizdeı, teńge baǵamy irgeli faktorlardyń serpinine qaraı qalyptasady. Kúzden beri ulttyq valıýta serpinine arzandap bara jatqan munaı men damýshy elderdiń valıýtalary úshin táýekelderdiń kúsheıýi az da bolsa áser etýde»,– deıdi Álııa Moldabekova.
Qyrkúıektiń basynan bastap bir barrel úshin munaı baǵasy $45,6-dan $42,3-ǵa deıin tómendedi. Osy kezeńde damýshy elderdiń valıýtalaryna da qysym kórsetildi. Mysaly, AQSh dollaryna qatysty túrik lırasy 7,3%-ǵa, rýbl 5,2%-ǵa, brazılııa realy 2,2%-ǵa álsiredi.
«Jalpy, teńgege qatysty qubylmalylyq qalypty naryqtyq jaǵdaı. Naryq irgeli faktorlardyń serpinine jáne saýda-sattyqtaǵy suranys pen usynysqa qaraı qalyptasady, onda naryq oıynshylary shetel valıýtasyna qajettilikke baılanysty baǵam belgileý protsesine qatysady. Ulttyq Bank aıyrbastaý baǵamynyń jaı-kúıine monıtorıng júrgizýdi jalǵastyrýda. Eger baǵam turaqsyzdanyp, kúrt kóteriletin bolsa, qarjylyq turaqtylyqty qamtamasyz etý úshin aralasýǵa daıyn»,– dep atap ótti bank ókili.