Elimizde balyqty qorǵaýǵa arnalǵan is-sharalar nátıjesi jaqsaryp otyr - ıÝ. Romashov
ASTANA. Mamyrdyń 20-sy. QazAqparat /Qanat Mámetqazyuly/ - Bıylǵy jyly balyqty qorǵaýǵa arnalǵan «Ýyldyryq-2010» jáne «Bekire-2010» atty aktsııalardyń nátıjesi jaqsaryp otyr.
Bul týraly búgin atalǵan mınıstrlikte ótken baspasóz máslıhatynda Balyq sharýashylyǵy komıtetiniń tóraǵasy ıÝrıı Romashov málim etti, dep habarlaıdy QazAqparat.
«Oral-Kaspıı óńirinde júrgiziletin «Bekire» aktsııasy barysynda 1 myń 702 quqyq buzýshylyq anyqtalsa, byltyrǵy jylǵy osy kezeńdegi kórsetkish 1 myń 553-di quraǵan bolatyn. Shara barysynda quqyq buzýshylardan qylmystyq maqsattarda paıdalanatyn 60 birliktegi júzý quraldary tárkilendi, al byltyrǵy jyly osyndaı sharada alynǵan qylmystyq aıǵaqtardyń sany bar-joǵy 4-eý boldy. Sonymen birge, aǵymdaǵy jyly brakonerlerden alynǵan balyqtardyń salmaǵy 19 myń keliden astam boldy. Byltyrǵy kórsetkish 5 myń keliden aspaǵan edi», dedi ıÝ. Romashov.
Onyń aıtýyna qaraǵanda, is-sharalar barysynda brakonerlik faktilerge oraı tergeý organdaryna 146 is joldanǵan. Al ótken jyly bundaı quqyq qorǵaý organdaryna joldanǵan materıaldardyń sany 43-ti quraǵan edi. «Jalpy, «Bekire-2010» sharasy maýsym aıynyń sońyna deıin jalǵasady. Al Qazaqstandyń barlyq óńirlerinde júzege asatyn «Ýyldyryq-2010» aktsııasy shilde aıynyń ortasyna deıin júrgiziledi», dedi Komıtet tóraǵasy.
