Elimizde balalarǵa qatysty jasalatyn jynystyq qolsuǵýshylyq qylmystary 22,7%-ǵa azaıdy
Muny Ortalyq kommýnıkatsııalar qyzmetinde ótken brıfıngide QR ІІM Ákimshilik polıtsııa komıteti tóraǵasynyń mindetin atqarýshy Qaısar Sultanbaev málim etti, dep habarlaıdy QazAqparat tilshisi.
«Sońǵy 10 jylda qabyldanǵan sharalardyń nátıjesinde kámeletke tolmaǵandarǵa qatysty jasalǵan quqyq buzýshylyqtar sany jyl saıyn 1 myńnan astam derekke azaıyp keledi. 2013 jyldan bastap olardyń sany 4 ese kemidi. Máselen, 2013 jylǵy 8966 derek tirkelse, 2022 jyly bul 1920 boldy. Sonymen qatar, kámeletke tolmaǵandardyń jynystyq qol suǵylmaýshylyǵyna qarsy qylmystar sany bıyl 22,7 paıyzǵa nemese 894-ten 691-ge deıin qysqardy», - dep atap ótti Qaısar Sultanbaev.
Onyń málimetine qaraǵanda, balalarǵa qatysty jasalatyn jynystyq qol suǵýshylyq faktileriniń azaıýy karantındik shekteýlerdi alyp tastaýmen tikeleı baılanysty.
Foto: premium.vgc.no