Elimizde balalarǵa qatysty 400-den astam jol-kólik oqıǵasy tirkeldi
«Alda jaz, kanıkýl, balalardyń bos ýaqyty kóp bolady. Osy oraıda balalardyń qatysýymen bolatyn jol-kólik oqıǵalarynyń aldyn alý sharasyn ótkizý mańyzdy. Balalar kóbine úlkenderden nemese ata-anasynan kórgenin isteıtinin umytpaǵan jón. Mysaly, arnaıy belgisi joq joldan óte salady. Jyl basynan beri balalardyń qatysýymen 400-den astam jol-kólik oqıǵasy boldy. Búginde elimiz boıynsha bilim berý mekemeleri mańyndaǵy jol qaýipsizdigin qamtamasyz etý - basty nazarda. Onyń ishinde arnaıy jol belgilerin ornatý da bar», - dedi Jasulan Jumanalın mınıstrlikte ótken baspasóz máslıhatynda.
Mınıstrlik ókiliniń aıtýynsha, balalar qaýipsizdigin qamtamasyz etý maqsatynda jyl saıyn «Abaılańyz, balalar!», «Qaýipsiz jol», «Mektepke jol» jáne taǵy basqa jedel profılaktıkalyq sharalar ótip turady.
Odan bólek, spıker bıyl Memleket basshysy jarııalaǵan Balalar jyly aıasynda birqatar shara ótetinin eske saldy.
«Balalar jyly aıasynda ótkizetin sharalardyń arnaıy josparyn qurdyq. Olar ımıdjdik, áskerı-patrıottyq, qaıyrymdylyq jáne profılaktıkalyq maqsatty kózdeıdi. Qazir keıbir is-sharalar ótip jatyr», - deıdi ol.
Buǵan deıin bilim mekemelerin lańkestik áreketterden qorǵaýdyń arnaıy nusqaýlyǵy bekitilgeni aıtyldy. Sondaı-aq, elimizde balalarǵa qarsy jasalatyn qylmys 17%-ǵa azaıǵan.
