Elimizde balalardy qorǵaý kúni 1000-nan astam shara ótedi

ASTANA. QazAqparat - Elimizde balalardy qorǵaý kúni 1000-nan astam shara ótedi, dep habarlaıdy QR Oqý-aǵartý mınıstrliginiń baspasóz qyzmeti.

Elimizde balalardyń qaýipsizdigin qamtamasyz etýde barlyq qurylymdardyń, qoǵamnyń, bıznes pen BAQ ókilderiniń kúsh-jigerin biriktirý maqsatynda «Balalar ıgiligi úshin!» respýblıkalyq aktsııasy aıasynda birqatar is-sharalar josparlanǵan.
Qazaqstannyń barlyq aımaqtarynda 1000-nan astam túrli is-sharalar ótkizilip, oǵan 3 mıllıonnan astam bala men ata-ana qatysady. Bul respýblıkanyń barlyq qalalary men oblys ortalyqtarynyń saıabaqtarynda balalarǵa arnalǵan gala-kontsertter, mádenı-oıyn-saýyq baǵdarlamalary, murajaılarǵa, saıabaqtarǵa, teatrlarǵa, sport nysandaryna barý jáne t.b.

Birqatar oblystarda «BALAFEST» balalar festıvalin ótkizý josparlanyp otyr. Іs-shara qorytyndysy boıynsha jeńimpazdar marapattalady.

Sondaı-aq jetim-balalarǵa, ata-ana qamqorlyǵynsyz qalǵan balalarǵa jáne jekelegen sanattaǵy otbasylardyń balalaryna ataýly áleýmettik qoldaý kórsetý maqsatynda «Meıirimdilik – balalarǵa» qaıyrymdylyq aktsııasy uıymdastyrylady. Oqýshylar arasynda «Týǵan elge taǵzym!» jáne «Ana tilim – tiregim!» atty respýblıkalyq chellendjder ótkiziledi.

Tolyǵyraq aqparat oblystardyń bilim basqarmalarynyń saıttarynda ornalastyrylǵan.