Elimizde balalar úıleri birjola jabyla ma

ASTANA. QazAqparat – Elimizde balalar úıiniń qyzmeti qaıta qaralyp jatyr, dep habarlaıdy QazAqparat tilshisi.

«Kásibı patronattyq otbasynyń artyqshylyǵy – jetim jáne ata-ana qamqorlyǵynsyz qalǵan balalardy balalar úıine emes, birden patronattyq otbasyna berý múmkindigi. Buǵan deıin jetimder aldymen balalar úıinde tirkelip, sodan soń ǵana asyrap alý máselesi qaraldy. Endi jańa zań boıynsha balany kásibı patronattyq otbasyǵa tikeleı berýge bolady. ıAǵnı bala otbasynyń jylýyn sezinip ósedi. Degenmen bul elimizde balalar úıi jabylady degen sóz emes. Durysyraq aıtqanda, balalardy qoldaý ortalyǵy bolyp qaıta qurylady»,- dedi Oqý-aǵartý mınıstri Ǵanı Beısembaev vedomstvonyń keńeıtilgen alqa otyrysynan keıin BAQ ókilderiniń saýalyna jaýap berip.

Mınıstrdiń aıtýynsha, atalǵan baǵyttaǵy jumys sala mamandary jáne sarapshylarmen odan ári pysyqtalady.

Buǵan deıin elimizde balany erte bastan damytýdyń jańa ádis-tásili iske qosylǵany aıtyldy.

Buǵan deıin balalardy otyrǵyzyp, 20 mınýttan sabaq beretin bolsa, endigi kezekte halyqaralyq tájirıbe eskerilip, tárbıe men oqytý balalardyń jas ereksheligine sáıkes balabaqsha tabaldyryǵynan bastalmaq.