Elimizde balalar quqyǵyn buzatyn aqparattarmen kúres qalaı júrgizilýde
NUR-SULTAN. QazAqparat - 2019 jyly ınternet júıesinde balalar quqyǵyn buzýmen baılanysty 6,4 myń jaǵdaı anyqtalǵan. Bul týraly QR Premer-Mınıstri Asqar Mamınniń depýtattyq saýalǵa jaýabynda aıtylǵan, dep habarlaıdy QazAqparat.
«Pornografııanyń taralýy - 3779; esirtki jáne psıhotropty zattardy jáne olardyń balamasyn nasıhattaý - 1851; adam jasyna qatysty zań normalaryn buzý – 506; sýıtsıdti nasıhattý jaǵdaıy - 133; qatigezdik pen zorlyq-zombylyqty nasıhattaý - 125; adam densaýlyǵyna, balanyń adamgershilik jáne rýhanı damýyna zııan keltiretin aqparat ornalastyrý - 43; kámelettik jasqa tolmaǵan balanyń tulǵasyn anyqtaýǵa qatysty aqparat taratý jaǵdaıy 19 ret kezdesken», - delingen Asqar Mamınniń depýtat suraǵyna bergen jaýabynda.
Ol ınternet resýrstan balanyń quqyǵyn buzýǵa qatysty 1,5 myń materıal («V Kontakte» - 1491, «Instagram» - 17 «Facebook» - 4) óshirilgenin jetkizdi.
«Qoldanýshylarǵa ınternet jelisinen zańǵa qaıshy bolyp kórinetin áleýmettik jelidegi toptar men ınternet-resýrstardy kórgen kezde shaǵymdanýǵa bolatyn múmkindikter jasaldy. Kelip túsken shaǵymdar boıynsha ornalastyrylǵan materıaldarǵa quqyqtyq baǵalaý jasalyp, ony buǵattaý nemese óshirý boıynsha sharalar qoldanylady», - deıdi ol.
Úkimet basshysy osy baǵyttaǵy jumystar jalǵasyp jatqanyn jáne Úkimettiń baqylaýynda ekenin jazdy.
