Elimizde balabaqsha máselesi eń ózektilerdiń biri - Almaty turǵyny
Y. Qarashanyń 14-i. QazAqparat /Názıra Eleýhan/ - «Keshe tikeleı efır barysynda kóterilgen balabaqsha, ekologııa máselelerin ózekti máselelerdiń biri dep sanaımyn»,
deıdi Almaty turǵyny, jas ana Jazıra Jumaǵulova.
«Tikeleı efırdi keshe otbasymyzben birge kórdik. Ol búgingi kúni ózekti degen ıpoteka, jumyssyzdyq, zeınetaqy, jastar saıasaty, bilim, ǵylym jáne taǵy da basqa máselelerdiń talqylanǵandyǵymen unady. Ásirese, ekologııa, balabaqsha jóninde aıtqan Elbasynyń jaýaby qyzyqtyrdy. Óıtkeni meniń kishkentaı eki balam bar. Biz balalarymyz dúnıege kelgennen beri áli kezekte turmyz. Keshe tikeleı efırde «Osy másele boıynsha jumysty toqtatpaımyz, eldiń barlyq suranysyn qamtamasyz etý úshin respýblıka boıynsha shamamen 800 balabaqsha salýymyz kerek», degen Memleket basshysynyń sózi qatty unady. Shynymen de bul ózekti problemalardyń biri dep sanaımyn. Endi el Prezıdentiniń sózinen keıin bul másele sheshimin tabady dep oılaımyn. Sonymen qatar, ekologııaǵa baılanysty, Almaty aýasynyń tazalyǵy jóninde, «ishinara bıoetanol engizýdi qarastyrýdamyz», degen sózi unady. Árıne, bul máseleni barlyq qalalarǵa da qatysty aıtylǵan oı dep bilemin. Biz tek Almatynyń ǵana emes, elimizdiń barlyq qalalarynyń taza bolǵandyǵyn qalaımyz», deıdi Almaty turǵyny Jazıra Jumaǵulova.
