Elimizde bala týý kórsetkishi 11,5 paıyzǵa tómendedi

ASTANA. QazAqparat - 2022 jylǵy qańtar-qyrkúıek aralyǵynda 299,7 myń sábı dúnıege kelgen, dep habarlaıdy QazAqparat Ulttyq statıstıka bıýrosyna silteme jasap.

Bul 2021 jyldyń tıisti kezeńimen salystyrǵanda 11,5%-ǵa az (338,8 myń adam). 1000 adamǵa shaqqandaǵy jalpy týý koefıtsıenti - 20,41 sábı.

Qarastyrylyp otyrǵan kezeńde 101,7 myń adam qaıtys boldy, bul 2021 jyldyń alǵashqy toǵyz aıyna qaraǵanda 26,1% az (137,6 myń adam).

Ólim-jitimniń jalpy koeffıtsıenti 1000 adamǵa - 6,92 qaıtys bolǵan.

2022 jylǵy qańtar-qyrkúıek aralyǵynda respýblıkada 1 jasqa deıingi 2 453 náresteniń shetineýi tirkeldi jáne byltyrǵy tıisti kezeńmen salystyrǵanda (2 682 shetinegen náreste) kórsetkish 8,5%-ǵa kemidi. Náreste ólim-jitiminiń koeffıtsıenti 1000 jańa týǵan balaǵa - 8,18 oqıǵa.