Elimizde bala emizýden jeringen analar kóbeıip barady
ASTANA. QazAqparat - Qazaqstanda 6 aılyq jasqa deıingi sábılerdiń shamamen 40 paıyzy tek qana emshek sútin emedi. Mundaı derek «ıÝNISEF» balalar qorynyń saraptamalyq derekterinde keltirilgen, dep habarlaıdy QazAqparat tilshisi.
Qor derekterine qaraǵanda, ana súti sábıdiń aqyl-oıynyń durys damýyna septigin tıgizip, ólim-jitimge ákeletin aýrýlardan qorǵaıtyndyǵyna qaramastan damyǵan elderde sábılerdiń 22 paıyzǵa jýyǵy ǵana emshek sútin emedi. Al damýshy jáne kedeı elderdegi bul kórsetkish ne bári 4 paıyzǵa ǵana jetedi.
«2006 jyldan bastap Qazaqstanda 6 aılyq jasqa deıingi balalardyń tek qana emshek sútin emý kórsetkishi 16,8 paıydan 2015 jyly 37,8 paıyzǵa ulǵaıdy. Qazaqstanda 6 aılyq balalardyń tek emshek sútin emýi aýylǵa qaraǵanda qalalyq jerlerde keńinen (29,2 jáne sáıkesinshe 34,4 paıyz) taralǵan. Emshek sútin emetin 1 jastaǵy jáne odan joǵary jastaǵy balalardyń paıyzdyq qatynasy aýyldyq jerlerge qaraǵanda, qalada birshama joǵary», - delingen taratylǵan aqparatta.
Qazaqstanda 2015 jyly sábı dúnıege kelgen alǵashqy saǵatta sharanany keýdesine jatqyzatyn áıelder 83,3 paıyzǵa jetken. Bul kórsetkish 2006 jyly 64,2 al 2011 jyly 67,8 paıyzǵa jetken.
Sonymen qatar, qor sábı emshekten emizý kórsetkishine túrli faktorlardyń áser etetindigin atap ótken. Atap aıtqanda, alǵashqy medıtsınalyq-sanıtarlyq kómek kórsetetin medıtsına qyzmetkerleri tarapynan analar men júkti áıelderge saýatty túrde keńes júrgizý sharalary jetkiliksiz. Buǵan qosa, farmatsevtıkalyq kompanııalar tarapynan jasandy qospalardy nasıhattaý da emshekpen emizýge kedergi bolyp otyr.
