Elimizde baǵanyń negizsiz ósýine jol bermeý úshin tıisti sharalar qabyldaımyz - S. Ahmetov
ASTANA. QazAqparat - Ulttyq valıýtanyń jańa aıyrbas baǵamy halyqtyń jaǵdaıyna keri áserin tıgizbeýi kerek. Bul týraly búgin Úkimette ótken selektorlyq keńeste Premer-Mınıstr Serik Ahmetov málim etti.
«Ulttyq bank búginnen bastap ulttyq valıýtanyń jańa aıyrbas baǵamyn jarııalady. Bul másele halyqtyń jaǵdaıyna keri áserin tıgizbeýi úshin tez arada tıisti sharalar qabyldaımyz. Eń aldymen elimizde baǵanyń negizsiz ósýine jol bermeý kerek»,- dedi S. Ahmetov. Osy oraıda Úkimet basshysy bul másele kúndelikti qajetti taýarlardyń baǵasyna aıryqsha qatysty ekenin qadap aıtty. Sonymen qatar ol Úkimettiń ekonomıkalyq blogy men Ulttyq bank qalyptasqan jaǵdaıdy shuǵyl baǵalap, ekonomıkanyń josparlanǵan ósiminiń kólemin qamtamasyz etý turǵysynda usynystar engizýdi tapsyrdy. «Úkimette biz búgin osy máselelerdi jan-jaqty qarap, qajetti sheshimderdi qabyldaımyz», - dedi ol.
