Elimizde «B» korpýsy memlekettik ákimshilik qyzmetshileriniń attestattaýy ótip jatyr
Esterińizge sala keteıik, bes ınstıtýtsıonaldy reformany iske asyrý jónindegi 100 naqty qadam Ult josparyn oryndaý sheńberinde elimizde aýqymdy jumys júrgizilýde. Alǵashqy ınstıtýtsıonaldy reformany iske asyrýǵa, ıaǵnı kásibı memlekettik apparatty qalyptastyrýǵa kóp kóńil bólinedi.
Jospardyń 15 qadamynda memlekettik qyzmetshilerdiń qyzmet sapasy men túpkilikti nátıjelerdi baǵalaýǵa baǵyttalatyn jáne attestatsııa qorytyndysy men qyzmet babynda ósý máseleleriniń ózara baılanysýyn qamtamasyz etetin «B» korpýsynyń memlekettik ákimshilik qyzmetshilerdiń kezekten tys attestatsııasyn ótkizý kózdelgen.
Memlekettik qyzmetshilerdiń sanyn eskere otyryp, attestattaý kezeń-kezeńmen 3 deńgeıde júzege asyrylýda. Buryndary úsh jylda bir ret ótetin synaqqa qaraǵanda bıylǵy jyldyń attestattaý naýqany álbette ózgeshe.
Máselen, memlekettik qyzmetkerler quqyqtyq saýattylyǵy boıynsha test tapsyrmaıdy. Onyń ornyna qyzmettegi jumystyń tıimdiligin arttyrý úshin mamannyń biliktiligi baǵalanady. Synaq arnaıy avtomattandyrylǵan baǵdarlama arqyly ótedi. Attestatsııanyń qorytyndysy boıynsha komıssııa músheleri qyzmetkerdiń laýazymyn joǵarylatý týraly sheshim qabyldaýǵa quqyly. Al dekrettik demalystaǵy, aıaǵy aýyr, 3 jasqa deıingi balalary bar kelinshekter, 14 jasqa deıingi balalardy tárbıelep otyrǵan jalǵyzbasty analar men ákeler attestatsııadan tolyq bosatylady.
Attestattaýdyń ár deńgeıinde tıisti attestattaý komıssııalary qurylǵan bolatyn. Olarda memlekettik qyzmetshiler attestattaýdy atqaratyn laýazymdarynyń sanattaryna baılanysty ótetin bolady.
Birinshi deńgeıde Qazaqstan Respýblıkasynyń Prezıdenti janyndaǵy Joǵary attestattaý komıssııasy quryldy.
Ekinshi deńgeıde ortalyq memlekettik organdardyń, olardyń vedomstvolarynyń, ortalyq memlekettik organdardyń jáne olardyń vedomstvolarynyń oblystardaǵy, respýblıkalyq mańyzy bar qaladaǵy, astanadaǵy aýmaqtyq bólimsheleriniń, sondaı-aq oblystardyń, respýblıkalyq mańyzy bar qalanyń, astananyń ákimi apparattarynda qurylatyn attestattaý komıssııalary jumys isteıdi.
Úshinshi deńgeıde ortalyq memlekettik organdardyń jáne olardyń vedomstvolarynyń aýdandardaǵy, qalanyń aýdandaryndaǵy jáne oblystyq mańyzy bar qalalardaǵy aýmaqtyq bólimshelerinde, sondaı-aq aýdandardyń, qala aýdandarynyń jáne oblystyq mańyzy bar qalalarynyń ákimi apparattarynda qurylatyn attestattaý komıssııalary quryldy.
Barlyq deńgeılerde attestattaý úsh kezeńnen turady. Alǵashqysy - baǵalaý paraǵyn daıyndaý, ekinshisi - jeke quzyretterdi baǵalaý úshin testileý jáne sońǵysy - JAK nemese tıisti deńgeıdegi attestattaý komıssııalarynda áńgimelesýden ótý.
Attestattaýdyń qorytyndylary boıynsha attestattaý komıssııasy Memlekettik qyzmet týraly Zańnyń 63 -babyna sáıkes kelesi sheshimderdiń birin qabyldaıdy:
- atqaratyn memlekettik laýazymynasáıkeskeledi jáne laýazymynjoǵarylatýǵa usynylady;
- atqaratyn memlekettik laýazymynasáıkes keledi;
- atqaratyn memlekettik laýazymynasáıkes kelmeıdijáne memlekettik laýazymyntómendetýge usynylady;
- atqaratyn memlekettik laýazymynasáıkes kelmeıdijánejumystan bosatýǵa usynylady.
Aıta keteıik, «A» korpýsynyń kadrlyq rezervinde turǵan 56 jastaǵy áıelder men 61-degi er adamdar bul synaqty tapsyrmaıdy. Sondaı-aq, jumysqa jańadan qabyldanǵan jáne alty aıdan az ýaqyt eńbek etken qyzmetkerler de attestattaýdan bosatylady.
