Elimizde azyq-túlik taýarlarynyń baǵasy 7,4% ósti

NUR-SULTAN. QazAqparat - 2020 jylǵy toǵyz aıda baǵa azyq-túlik taýarlaryna – 7,4%, azyq-túlik emes taýarlaryna – 3,9%, aqyly qyzmetterge 2,5% joǵarylady. Bul týraly QazAqparat tilshisi Statıstıka komıtetine silteme jasap habarlaıdy.

Bir aıda (2020 jylǵy qyrkúıek 2020 jylǵy tamyzǵa) baǵanyń ósýi jumyrtqaǵa – 4,4%, qumshekerge – 1,5%, makaron ónimderine – 1%, unǵa, sıyr etine, shaıǵa, muzdatylǵan balyqqa – 0,9%-dan, jylqy etine – 0,8%, shujyq ónimderine – 0,7%, qoı etine, sary maıǵa, máıekti irimshikke, – 0,6%-dan, nanǵa, kúrishke 0,4%-dan belgilendi. Salqyndatylǵan sýsyndar – 1%, mıneraldy jáne as sý – 0,6%, temeki ónimderi – 0,5%, alkogoldi sýsyndar 0,4% qymbattady. Baǵanyń tómendeýi jańa jınalǵan kókónisterge – 5,5%, jemisterge – 2,1%, sókke 0,7% tirkeldi.

Baǵa ósimi keńse taýarlarǵa – 1%, uıaly telefonǵa, planshetke – 0,8%-dan, noýtbýkterge – 0,7%, toqyma buıymdaryna – 0,6%, dári-dármekke, jýǵysh jáne tazalaǵysh quraldarǵa, turmystyq aspaptarǵa, kıim jáne aıaq kıimge – 0,5%-dan, avtomobılderge 0,4% qurady. Tas kómir – 0,9%, aǵash 0,3% qymbattady.

Baǵa deńgeıi bilim berý qyzmetterine – 2,3%, shashtarazdar men jeke qyzmet kórsetý oryndarynyń qyzmetterine – 0,6%, qoǵamdyq tamaqtandyrý qyzmetterine – 0,5%, densaýlyq saqtaý qyzmetterine 0,4% ósti. Áýe kóligimen jol júrý aqysy 1% qymbattady, al jolaýshylardyń temir jol kóligimen 0,3% arzandady.

Turǵyn úı-kommýnaldyq qyzmetter salasynda tarıfter elektr energııasyna – 1,7%, ystyq sýǵa 0,3% ósti, al kárizge – 0,5%, sýyq sýǵa 0,2% tómendedi.