Elimizde Azamattyq qorǵanys aılyǵy jarııalandy
NUR-SULTAN. QazAqparat - 1 naýryzdan bastap «Dúnıejúzilik Azamattyq qorǵanys kúni» merekesi «Azamattyq qorǵanys jáne árbir úıde alǵashqy kómek» uranymen ótedi, dep habarlaıdy QazAqparat QR ІІM TJK baspasóz qyzmetine silteme jasap.
Dúnıejúzilik Azamattyq qorǵanys kúni jyl saıyn belgili bir uranmen atap ótiledi. 2020 jyly bul «Azamattyq qorǵanys jáne árbir úıde alǵashqy kómek» atalady.
Bastapqyda Azamattyq qorǵanys kúshteri áskerı qaqtyǵys kezdegi is-qımyldarǵa baǵyttalǵanymen, ony beıbit ýaqytta tótenshe jaǵdaılarda paıdalaný qajet. Olardy joǵary deńgeıde uıymdastyrý jáne daıyndaý jer silkinisi, sý tasqyny, apat saldaryn joıý boıynsha qutqarý operatsııalaryndaǵy atqarylatyn mindetterdiń jetistiginiń kepili bolady. Mundaı jaǵdaıda azamattyq qorǵanys mindetteri burynǵydaı ózekti bolyp qala beredi, al keıbir baǵyttar boıynsha odan da úlken mánge ıe bolady. Azamattyq qorǵanystyń asa aýyr mindeti – bul oqıǵalardyń aldyn alý jáne saldaryn joıý ǵana emes, sondaı-aq osyndaı jaǵdaıda ózin qalaı ustaý kerektigi týraly halyq arasynda túsindirý jumystaryn júrgizý.
2020 jylǵy 14 aqpanda ІІM Tótenshe jaǵdaılar jónindegi komıtetiniń basshylyǵy Azamattyq qorǵanystyń dúnıejúzilik kúnin daıyndaý jáne ótkizý jónindegi is-sharalar josparyn bekitti, sonyń sheńberinde Azamattyq qorǵanys aılyǵy jarııalandy jáne azamattyq qorǵanys bilimin nasıhattaýǵa jáne azamattyq qorǵaý qyzmetiniń mańyzdy mindetterine qoǵamnyń nazaryn aýdarýǵa baǵyttalǵan birqatar is-shara kesheni josparlandy. Oqý oryndarynda Tótenshe jaǵdaılar komıteti jedel-qutqarý jasaqtarynyń bazasynda «Nazar aýdaryńyz!» sıgnaly boıynsha ashyq jáne ınteraktıvti sabaqtar, nysandar men evakýatsııalyq trenıngiler ashyq kúnderi ótkiziledi.
Qazirgi kezde kún saıyn ártúrli tabıǵı jáne tehnogendik sıpattaǵy oqıǵalar men tótenshe jaǵdaılar týyndaý qaýpi bar tusta mundaı is-sharalardy ótkizý óte ózekti. Ol halyqty qaýipsizdikti qamtamasyz etý salasyndaǵy mamandardyń daǵdylaryn bilýin, kúshter men quraldardy qoldaný tıimdiligin praktıkada tekserýge, problemalyq máselelerdi anyqtaýǵa múmkindik beredi, osy saladaǵy damý perspektıvalaryn jergilikti atqarýshy organdarmen birlesip talqylaýǵa úıretedi.
Dúnıejúzilik azamattyq qorǵanys kúnin merekeleýge arnalǵan barlyq is-sharalar tótenshe jaǵdaı kezinde qımyldar boıynsha habar berýdi arttyrýǵa baǵyttalǵan.
Foto: voxpopuli.kz