Elimizde azamattyq avıatsııaǵa tónetin qaterlermen kúres kúsheıedi
ASTANA. QazAqparat - Parlament Májlisiniń jalpy otyrysynda «Halyqaralyq azamattyq avıatsııaǵa qatysty zańsyz aktilerge qarsy kúres jónindegi konventsııany ratıfıkatsııalaý týraly» zań jobasy maquldandy, dep habarlaıdy QazAqparat.
«Zań jobasy «Halyqaralyq azamattyq avıatsııa uıymy (IKAO) Assambleıasynyń 38-shi sessııasynyń sheshimin júzege asyrýǵa baǵyttalǵan. Ol barlyq IKAO-ǵa múshe memleketterdi osy Konventsııaǵa qol qoıýǵa jáne ratıfıkatsııalaýǵa shaqyrady. Bul jobanyń maqsaty - azamattyq avıatsııa salasynda zańsyz áreketter jasaǵan tulǵalarǵa qylmystyq jaýapkershilik taǵaıyndaý», - dep toqtaldy QR Investıtsııalar jáne damý mınıstri Jeńis Qasymbek.
Bul rette, áýejaıda jáne ushyp kele jatqan áýe kemesiniń bortyndaǵy adamǵa qatysty zorlyq-zombylyq aktisin jasasa, buzatyn jáne isten shyǵaratyn qurylǵyny nemese zatty áýe kemesiniń bortyna ornalastyrsa, sondaı-aq kemeni paıdalana otyryp jarylǵysh zattardy, hımııalyq, bıologııalyq, ýlandyratyn, radıoaktıvti materıaldardy tasymaldasa tıisti jazalar qarastyrylǵan.
Budan bólek, ushý kezinde áýe kemesin joıý, áýejaıdaǵy jabdyqtardy buzsa jáne zaqymdasa, jalǵan málimetter habarlap, áýe kemesiniń qaýipsizdigine qater tóndirse, aeronavıgatsııalyq quraldardyń zaqymdanýy, áýe kemesin qarý retinde qoldaný jáne taǵy basqa da zańsyz aktilerge qarsy kúres sharalary eskerilgen.
«Qazaqstannyń qylmystyq kodeksinde atalǵan aktiler úshin qylmystyq jaýapkershilik kózdelgen. Bul erejelerdi qabyldaý BUU Qaýipsizdik Keńesiniń terrorızmge qarsy is-qımylyna qatysty talaptaryn qanaǵattandyrýǵa, sondaı-aq azamattyq avıatsııanyń ushý qaýipsizdigine tónetin qaýip-qaterlerge tıisti deńgeıde jaýap berýge múmkindik beredi. Qazaqstan Respýblıkasy álemdik qoǵamdastyqtyń áýe kóligindegi terrorızmniń barlyq formasymen jáne kórinisimen kúres jónindegi ujymdyq sharalaryn turaqty túrde qoldaıdy. Konventsııany ratıfıkatsııalaý Qazaqstan Respýblıkasy tarapynan qosymsha shyǵyndar men mindettemelerdi qajet etpeıdi», - dep naqtylady mınıstr.
