Elimizde azamattardy saılaýǵa qatysýǵa eshkim de májbúrleı almaıdy - OSK múshesi L.Súleımen
ASTANA. 1 sáýir. QazAqparat /Aıdar Ospanalıev/ - «Elimizde ótetin kez-kelgen saılaýǵa kelý nemese kelmeý, belgili bir azamatqa saılaýda daýysyn berý nemese bermeý árbir azamattyń konstıtýtsııalyq quqyǵy»,- dedi búgin Ortalyq saılaý komıssııasynyń múshesi Lázzat Súleımen jýrnalısterdiń saýaldaryna jaýap berip turyp.
«Internet basylymdarda elimizdegi keıbir basshylardyń óz qyzmetshilerin kezekten tys saılaýǵa barýǵa májbúrlep jatqandyǵy jónindegi materıaldardy biz de oqydyq. Qazaqstan Respýblıkasynyń Konstıtýtsııasy men «Saılaý týraly» Zańyna sáıkes, saılaýǵa barý jáne belgili bir azamatqa daýys berý azamattyq paryz bolyp esepteledi. Eshkimniń de eldegi azamattardy saılaýǵa qatysýǵa jáne bireýge daýys berýge májbúrleýge quqy joq»,-dedi OSK múshesi.
Onyń sózine qaraǵanda, jaqynda Batys Qazaqstan oblystyq Densaýlyq saqtaý basqarmasynyń basshysy óz qyzmetkerleriniń tizimin alyp, olardyń 100 paıyz saılaýǵa qatysýyn baqylaý jóninde buıryq shyǵarǵandyǵy jónindegi málimetten de habardarmyz. «Bizdiń buǵan jaýap retinde aıtarymyz, basqarma bastyǵynyń áreketi Konstıtýtsııany óreskel buzý jáne memlekettik qyzmetshi óziniń laýazymyn asyra paıdalanyp otyr. Sondyqtan atalmysh azamat qyzmetinen bosatyldy. Eger mundaı faktiler oryn ala qalǵan jaǵdaıda Ortalyq saılaý komıssııasy oǵan birden óziniń kózqarasyn bildirip, qalyptasqan jaǵdaıdyń zańǵa sáıkes sheshilýi úshin áreket etetin bolady»,-dedi L.Súleımen.
